Gorliz Euskadi Lagunkoia sarera batu da
Entzun, parte hartu eta herria hobetu Gorlizko Udalak urratsak egiten jarraitzen du herriko adinekoen bizi-kalitatea hobetzeko. Horretarako, Gorliz Lagunkoia abiatuko du. Parte-hartze prozesu honen bidez, adinekoen beharrak, kezkak eta proposamenak zuzenean ezagutu nahi dira, haien eguneroko bizitza hobetzeko. Ekimena Euskadi Lagunkoia sarearen barruan kokatzen da, eta Udalak azken hilabeteetan hasitako lanari jarraipena ematen dio. Joan den abuztuan, prozesu bat jarri zen martxan adinekoen interesak ezagutzeko eta haien aisialdi-aukerak suspertzeko. Orain, Gorliz Lagunkoiak begirada hori zabaldu egiten du, eta herriko eguneroko bizitzaren beste alderdi batzuk ere jorratuko ditu. Ikuspegia praktikoa izango da. Herriko adinekoekin aldizkako bilerak egingo dira, zailtasunak antzemateko eta hobekuntzak aztertzeko. Bilera horietan gai zehatzak landuko dira: kaleen eta espazio publikoen irisgarritasuna, mugikortasuna, Udalak adinekoekin komunikatzeko erabiltzen dituen bideak, udal-zerbitzua...
